Град Скопје се фали со речиси трипати поголем буџет за животна средина во 2018 година, каде планира Шилегов да ги „потроши“ парите?

Добивај вести на Viber

141 милиони денари предвидува Град Скопје за заштита на животната средина во 2018 та година.

Вторник е денот кога советниците ќе треба да се изјаснат, односно да го усвојат или не овој буџет кој речиси е трипати поголем од ребалансот на буџетот од 2017 година.

Според соопштението до медиумите, од тие 141 милиони денари 10 милиони денари се наменети за  субвенции при набавка на инвертери за затоплување, а приватните компании кои учествуваат во јавниот превоз на патници, ќе добојат субвенции во висина од 20 милиони денари со цел да се инсталираат уреди на гас и да се купат автобуси кои задоволуваат ЕУРО 5 И ЕУРО 6 стандард.

Градското раководство ќе одлучи дали покрај 20 милиони денари за ЈСП за бесплатен превоз во денови на алармантно загадување на воздухот ќе се исполни планираното субвенционирање од 100 милиони денари на ЈСП при набавка на зглобни електрични автобуси.

90 милиони денари град Скопје предвидува за училишни енергетски фасади, и 12 милиони за прочистување на воздухот во училниците.

За зелени проекти градот под раководство на Петре Шилегов идзвојува 10 милиони денари, а ќе продолжат и субвенциите за печки на пелети за кои се предвидени 15 милиони денари.

1,6 милиони денари ќе отидат за обука на оџачари а за набавка на велосипеди се обезбедени дополнителни субвенции од 10 милиони денари