ДУИ на симулирана седница ги избра Бујар и Села за претседатели и направи уставни измени
Објавено во: Македонија 18 Април, 2024
ДУИ на симулирана седница, како божем да е собраниска, во хотелот „Александар Палас“ во Скопје го избра Зијадин Села за претседател на Собранието.
Потоа импровизирана седница ја водеше Села, каде со „мнозинство гласови“ беа одобрени уставните измени според Договорот за добрососедство со Бугарија. Претходно тој даде „заклетва“ пред „Собранието“.
Во „Собранието“ беше избран и државниот претседател, во случајов претседателскиот кандидат Бујар Османи, со двотретинско мнозинство и Бадентер. Потоа министерот за надворешни работи имаше свое обраќање пред „пратениците“ и даде „свечена заклетва“.
Лидерот на ДУИ, Али Ахмети го прогласи лидерот на Алијанса за Албанците, дел од Европскиот фронт, Зијадин Села, за претседател на Собранието на Македонија
„Напоменувам дека со 120 „за“ за претседател на Собранието на РСМ е избран пратеникот Зиjадин Села. Дозволете ми во ваше и во мое име да му го честитам изборот на пратеникот Зијадин Села за претседател на Собранието на РСМ и да му посакам успех во работата“, рече Ахмети, по што и Села даде импровизирана „заклетва“.