ДИРЕКТОРИТЕ ИМААТ ДА ВИ КАЖАТ НЕШТО - Комерцијална банка почна, ќе има и други менаџерски обраќања
Објавено во: Финансии 02 Април, 2024
Комерцијална банка прва повлече нога, а во иднина тоа ќе го прават и другите моќни компании во земјава, кои се котирани акционерски друштва.
Станува збор за обраќање на клучните менаџери во тие компании до инвеститорската јавност, и тоа во периодот кога се објавуваат годишните резултати на друштвата, со цел тие да бидат уште поинформирани за котираните компании, односно за нивните перформанси, резултати и планови за наредниот период.
Таквите намери вчера ги соопштија и од Македонската берза.
„Македонска Берза постојано вложува напори за зголемување на транспарентноста на пазарот на хартии од вредност, со цел поголема информираност на инвеститорите и пошироката јавност за работењето на котираните друштва, и при тоа ги следи и спроведува светските добри пракси што носат позитивни ефекти за визибилноста на котираните друштва и за ефикасно пазарно вреднување на нивните акции. Една од тие добри пракси е т.н. менаџерско обраќање, што вообичаено се врши при објавувањето на годишните резултати на друштвата, која за прв пат годинава започна да се имплементира и кај нас. Имено, Комерцијална банка АД Скопје е прво котирано друштво на Берзата кое преку Системот за електронски информации на котираните акционерски друштва на Берзата (СЕИ Нет) на 29.03. објави менаџерско обраќање во врска со ревидираните годишни извештаи на банката“, се вели во објавата од Македонската берза.
Веста со видеото со менаџерското обраќање на Комерцијална банка е достана на следниот линк: https://www.seinet.com.mk/?docID=67157
Берзата ги поттикнува сите котирани друштва при објавата на ревидираните финансиски извештаи за 2023 година преку СЕИ-Нет да објават менаџерско обраќање и преку синтетизирани податоци и видувања за своето работење презентирани од страна на топ менаџментот да придонесат за поголема информираност на инвеститорите и јавноста.
Можеби ќе ве интересира
„МИНАТА ГОДИНА ЧЕШЕ 15, А СЕГА 350 ЕВРА, ОВА Е СРАМ ЗА ХРВАТСКА“ Превирања во популарното туристичко место поради огромниот скок на цените
АКО ЛЕТОВО ОДИТЕ ВО ЦРНА ГОРА, БИДЕТЕ ВНИМАТЕЛНИ, ЌЕ ЛЕТААТ КАЗНИ ДО ИЛЈАДА ЕВРА: Еве зошто властите одлучија да ги казнуваат туристите
АКО ВО СРБИЈА ВИ СЕ ОТВОРИ ШАНСА ДА РАБОТИТЕ НА ОВИЕ МЕСТА, ЌЕ ДОБИЕТЕ „МРСНА“ ПЛАТА: Некои професии се плаќаат и 300 илјади денари
КАКО Е ДА СЕ БИДЕ РАБОТНИК ВО ШПАНИЈА: Се грижат за менталното здравје, а еве ги нивните плати
ПАРКИНГ ПРОСТОР НА ПРОДАЖБА ЗА „САМО“ 500 ИЛЈАДИ ЕВРА: Има само 18 метри квадратни, а се наоѓа на зелен простор! Еве каде е овој луксуз
КОЛКУ ЗАРАБОТИЈА РУСКИТЕ ОЛИГАРСИ ОД ПОЧЕТОКОТ НА ИНВАЗИЈАТА ВО УКРАИНА: сега има многу повеќе милјардери!
ЦЕНАТА НА ЗЛАТОТО ПАДНА, НАФТАТА ПОД 84 ДОЛАРИ - Европските и американските берзи бележат раст
СТРАВ ОД ОДМАЗДА - веќе не се зборува за конфискација на руски имот
ФЕД НАЈАВИ ГОЛЕМА ПРОМЕНА - не се каматните стапки, тие остануваат исти
