ЗЛАТНА ЗОРА НАДВОР ОД ПАРЛАМЕНТОТ: Порачуваат дека ова не е крај за нив
Објавено во: Балкан 08 Јули, 2019
Неонацистичката Златна зора e исфрлена од грчкиот парламент.
Златна зора, неонацистичката, антиемигрантска партија која ја шокираше грчката политика со еволуцијата од маргинална група во трета по влијание политичка партија во Грција за време на економската криза, не е дел од грчкиот парламент по вчерашните избори.
Златна зора има 2,95 отсто од гласовите, а тоа е недоволно да добие претставник во парламентот, за што се потребни најмалку 3 отсто.
Државната аналитичка агенција информираше дека партија нема шанси да влезе во парламентот, а лидерот на Златна зора Никос Михалолијакос го призна тоа во жестокиот говор кажувајќи дека „Златна зора не е готова“, јавува Катимерини.
Златна зора може да се ребрендира како помалку екстремна организација, во групата на евроскептичните партии и оние од алтернативната десница.
Златна зора имаше 18 пратеници од 300 во досегашниот парламент, освојувајќи 6,99 отсто од гласовите на последните парламентарни избори во 2015 година.
„Им испраќаме порака на нашите непријатели и таканаречени пријатели: Златна зора не е готова, сфатете го тоа. Борбата за национализмот продолжува. Ќе се вратиме кога ќе зајакнеме – на улиците и плоштадите, во тешката борба против болшевизмот и претстојниот суров капитализам“, порача Михалолијакос пред своите поддржувачи.
Тој ги нападна и досегашниот премиер Алексис Ципрас и новиот Кирјакос Мицотакис, завршувајќи го говорот со вообичаениот поздрав „Хајл победа!“, директна референца на нацистичкиот поздрав „Зиг хајл“.
Можеби ќе ве интересира
ВУЧИЌ ЗА АМАНДМАНИТЕ КОИ ГИ ПОДНЕСЕ ЦРНА ГОРА НА РЕЗОЛУЦИЈАТА ЗА СРЕБРЕНИЦА: Тоа е валкана игра и перфиден трик
КРАДЕЛ НА ПЕЛОПОНЕЗ: Уапсен е македонски државјанин со „богато“ криминално досие
ГЕРАПЕТРИТИС: Граѓаните на Северна Македонија не би сакале да ги стават во опасност односите со Грција
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
ПОЛИЦИЈАТА ЗАПЛЕНИ СЕКИРА И НОЖ: Четиринаесетгодишно девојче од Црна Гора планирало терористички напад во Грац
Поради Рамштајн цените за сместување во Белград отидоа до небо! Ноќевање на некои места достигнува и до 80 000 динари, ден по концертот истите едвај се 5000
АТЕНТАТОРОТ ГОРД НА СВОЈОТ ЧИН: Поетот кој пукаше во премиерот на Словачка изведен пред суд
Мицотакис со уште една порака до Новата Влада за името Северна Македонија: Еве што порача
„Поминавме седум километри за еден час“: Ако патувате кон Халкидики-подгответе се за хаос + еве како да го избегнете сообраќајниот колапс
