Затвор како фабрика, работи во три смени се за извоз
Објавено во: Економија 16 Јануари, 2017
Затворот во Ниш, Србија почна со изработка на електроделови за автомобили така што дневно затворениците изработуваат по 30.000 делови.
Дневното производство наскоро ќе се зголеми на 90.000, потврдуваат од затворот.
Засега се работи 24 часа во текот на денот.
Затворениците во погонот имаат 15 машини, а со набавка на нови ќе имаат 22 машини.
Целото производство е за извоз, а во затворот има и погон за текстил.
Лани во тој погон се изработени производи во вредност од 45 милиони динари.
Освен ова, затворениците изработуваат и метални огради, мебел, клупи, сувенири, шаховски табли и кошници.
Овој затвор има и свои стакленици за овошје и зеленчук, така што исхраната им е покриена, а она што е вишок се продава.