Топ Чанел: Вистинска економска визија на Македонија, странските инвестиции економски ја спасија земјата во кризата

Добивај вести на Viber

Албанскиот Топ Чанел во денешната анализа ја пофали економската стратегија на Македонија да се фокусира на привлекување на странските инвестиции. Овие инвеститори го издигнаа извозот на мошне високо ниво, што сега истиот ја спасува економијата на земјата во период на корона-криза и затворање на границите на Европа за се останато освен за производи, објави телевизијата. 

„Србија и Северна Македонија водеа политика за зајакнување на извозот и производството, Целиот регион последниве години беше во жестока конкуренција за привлекување странски инвестиции. Досега има двајца јасни победници во овој натпревар - Србија и Македонија.

Двете држави развија бројни поддржувачки политики за да донесат инвестиции со додадена вредност во информатичката технологија и производството, главно автомобилската индустрија, што ја зголемува продуктивноста на економијата и ја прави поконкурентна. Некои компании, кои се меѓу најголемите работодавци во Македонија, како што е „Џонсон Мети“, влегува со голем процент во извозот.

Недостигот на стимуланси и долгорочна визија на Албанија ги оддалечи овие инвестиции со додадена висока вредност. Денес, Северна Македонија и Србија имаат соодветно извоз на стоки и услуги од странските инвеститори со дури 60 и 51 проценти од бруто домашниот производ, споредено со 31 отсто во Албанија, според официјалните податоци на Европската комисија.

Наместо да се обиде да ја зголеми конкурентноста и продуктивноста, како што тоа го правеа соседите, Албанија во последниве години се ангажираше во низа концесиски проекти и јавно-приватно партнерство, за кои, како што честопати се истакнуваше, не донесоа дополнителна вредност за економијата. покрај големото зголемување на долгот“, пишува меѓудругото Топ Чанел во анализата.