Тихомир Јанчовски прв прави промоција на аудио книга во Македонија
Објавено во: Мои пари 27 Август, 2019
За прв пат македонската публика ќе има можност едно дело да го слуша во аудио формат.
Во среда со почеток во 20:30 во Планетариум (МКЦ) ќе се одржи промоцијата на аудио верзија од поетскиот роман „Лидија или се што знам за жените“ од реномираниот македонски автор Тихомир Јанчовски.
Овој поетски роман е издаден одамна, но за прв пат пред македонските читатели ќе биде испромовиран во аудио форма. Според модераторката на настанот, Магдалена Стојмановиќ овој настан е од исклучително значење бидејќи е пионерски проект за помирување и интеграција на технологијата и уметноста.
-Со тој обид покажуваме дека технологијата не е загрозување на уметноста, туку напротив може да ја негува и унапредува. Аудио книгите се погодни за луѓе што многу патуваат или немаат доволно време да посветат само на читање на книгата. – вели Стојмановиќ.
Освен обраќање на модераторот, македонската публика ќе проследи и инсерти од аудио книгата збогатени со визуелни ефекти во „Планетариум“.
Јанчовски важи за еден од најпознатите современи македонски автори кој издава поетски романи, збирки поезија и се занимава со преведувачка дејност.
Можеби ќе ве интересира
„Браво сине“ и „Арс Ламина“ со збирка од 24 „Нови бајки од Македонија“
Имлек Протеин - моќ и енергија за 1650 спортисти на “Скопје трча”
Заборски од „Макпетрол“ петти во Европа на шампионатот во Задар
Развојот на првиот Porsche 911 со хибриден погон заврши успешно
Денеска се одржа 8. издание на „Халк Еко Скопје Трча 10км“ 1650 учесници застанаа на старната линија
БРАКО ЌЕ ПРОМОВИРА НОВО ЕЛЕКТРИЧНО ВОЗИЛО НА САЕМ ВО МИНХЕН
