Словенија на протести, во Марибор најжестоко

Добивај вести на Viber

Словенија синоќа се соочи со големи протести кога граѓаните излегоа на улиците во Љубљана, Птуј,  Корушка, во Целје, Трбовље и се разбира, онаму каде што навистина почна се - во Марибор, поради што локалните демонстранти на вчерашниот митинг повикаа на Мариборорско востание. Како епилог од синоќешните нереди во Марибор, словенечката полиција објави дека во болница се задржани 6-мина полицајци, повеќемина демонстранти, а биле уапсени 60 лица. Околу 8000 луѓе демонстрираа синоќа во Марибор барајки оставка од градоначалникот Франц Канглер, обвинувајки го за корупција.  Демонстранти прво се собраа на Плоштадот Слобода, каде протестите беа мирни, но кога тие се преселија во предниот дел на Општина Марибор, насилство еруптираше. Во воздухот почнаа да летаат факели, камења, петарди, сообраќајни знаци, се кршеа прозорци,  излози, автобуски постојки, а  беа палени и контејнери. Иако, Канглер беше исклучен од Словенечката народна партија, која е помал партнер во владејачката коалиција, тој одбива да се повлече од функцијата. Денеска исто така беше упатен повик на мирни протести,  но и тие се повторно обележани со инциденти. Граѓаните бараат промени во општеството, во банкарскиот систем, во системот на демократија и во социјалните права.