Синот на Јанева: Мајка ми е неправедно осудена, има многу информации и еден ден ќе ги каже
Објавено во: Македонија 12 Мај, 2022
Синот на поранешната специјална обвинителка Катица Јанева, адвокатот Лазар Јанев, во интервју за „А1он“ откри детали од процесот во случајот „Рекет“ во кој беше осудена Јанева, оценувајќи дека пресудата била донесена без докази, како и дека како шефица на СЈО, неговата мајка трпела силни притисоци „од сите“.
„Има што да каже, премногу собира за овој период, сметам дека има толку многу информации што едноставно може да експлодира од нив. Ми има кажано само дел. Има време, млада е уште, и да остане пресудата како што е, ќе дојде ден кога таа ќе каже што ѝ лежи на срце“, вели Лазар Јанев.
Фото: „А1он“/ принтскрин