СЕЗОНА НА ОДМОРИ ВО ГРЦИЈА: Цени, плажа, кафеани!

Добивај вести на Viber

Македонски туристи деновиве уживаат на плажите во соседна Грција. Дел од нив испратија слики и споделија со Фактор информации за цените на храната, лежалките и пијалаци.

Туристите, наши читатели уживаат на Врахос, место кое се наоѓа на Јонското море, во областа Епир, западна Грција.

Според информациите кои ги споделија со нас, цената на гирото таму во моментов е  3 евра. Цената на овој најпоплуарен специјалитет кога е во прашање порција се движи од 6,5 до осум евра.

Фрапе чини 2,5 евра, што значи за некој цент поевтино од олимписката ривиера на Грција. Пиво Mithos на плажа ќе го платите 4 евра, а за Alpha ќе треба да одвоите 3 евра.

Коктелите на плажа, но и во кафеаните и кафичите ќе ги платите од 7 до 12 евра, во зависност од видот на коктелот кој сте го нарачале.

Доколку порачате цеден сок од портокал на плажа ќе ве чини 5 евра. А за безалкохолни газирани сокови ќе платите 3 евра.

Порција морска риба или салата од морски плодови може да се купи по цена од 7 до 16 евра.

Лежалките во Врахос, западна Грција ги добивате гратис доколку порачате пиење.

Најчесто порачуваната пица во овој дел од Грција ќе ја платите 8 евра. Интересно е и тоа што таму низ неколку локали се нуди и детско мени, порција храна со сокче за околу 7 евра.

Македонците кои го привршуваат својот одмор таму, велат дека водата е топла, но не колку во август. Јонкото море е чисто, ноќите топли, но не биле жешки, навечер се спиело без клима уред. Температурата на водата за разлика од Егејското море била за минимален степен пониска.