Се јави Нова Калифорнија која бара автономија
Објавено во: Свет 17 Јануари, 2018
Движењето за формирање нова сојузна држава јавно ги објави плановите за создавање на „Нова Калифорнија“ посебен владин ентитет кој ќе биде одвоен од сојузната американска држава Калифорнија, но ќе остане во рамките на САД без сепаратистички амбиции.
Нова Калифорнија е сон на повеќе бизнисмени и политичари кои се противат на сојузната висока стапка на даноци, скапото и елитистичко образование, како и тешката бизнис клима која е меѓу најлошо оценетите во рамки на САД.
Водачите на Нова Калифорнија бараат да бидат признаени како посебна сојузна држава на САД слично на процесот кој го применила Западна Вирџинија во нивните напори за издвојување.
Во состав на Нова Калифорнија планирано е да влезат руралните области на Калифорнија, додека Холивуд и Лос Анџелес како и поголемите градови да останат во сегашните сојузни граници.
Процесот на докажување способност за издвоено владеење на Нова Калифорнија ќе трае меѓу 10 и 18 месеци.
Интересно е што и во позната видео футуристичка игра постои сојузна држава наречена Нова Калифорнија создадена по нуклеарен холокауст. Инаку во „вистинската“ Нова Калифорнија постои прилично конзервативно гласачко расположение што е сосема спротивно од урбаниот дел на Калифорнија која важи за најголем бастион на Демократската партија на САД.