Русинка раскажа што се случило на Халкидики
Објавено во: Балкан 12 Јули, 2019
Руска туристка, која се наоѓала во селото Неас Мармарас на вториот крак Ситонија раскажа што се случило кога Грција ја погоди невремето.
„Според прогнозата требаше вечерта да врне. Властите не предупредуја на никаква вонредна состојба. После десет часот вечерта, буквално за пет минути, се спушти облак, ништо не се гледаше. Почна град и пона - да летаат кровови, искршени работи насекаде. Само младите дрва останаа на земја“ - вели Русинката.
Дваесет минути по почетокот на ураганот снемало струја, а потоа и вода.
„Утрината хотелот сепак функционираше некако и без електрична енергија. Појадокот беше нормален“ - рекла таа.
Метеоролозите најавуваат невреме за во недела и понеделник.