(ГАЛЕРИЈА) Робертсон вели дека Заев треба да дејствува храбро

Добивај вести на Viber

Висока делегација од истакнати дипломати, предводена од поранешниот генерален секретар на НАТО, Џорџ Робертсон, денеска е во Скопје. 

Робертсон заедно со премиерот Зоран Заев одржа прес-конференција. 

Робертсон рече дека премиерот треба да дејствува како премиер на оваа земја имајќи ги в предвид случувањата тука и храброста која треба да ја покаже. 

Тој вели дека народот треба да ги препознае работите кои треба да бидат решени за добробит на оваа земја, иако сега не сме во 2001 година. 

Групата Охрид за поддршка на Република Македонија на нејзиниот пат кон членство во НАТО и ЕУ ја промовираше денеска премиерот Зоран Заев на заедничката прес-конференција.

Групата Охрид е неформална група создадена од членови со импресивен бекграунд, со различна политичка припадност.

„Активностите на групата и на одделни нејзини членови, кои ставија печат со нивната дипломатска кариера и дадоа поддршка за нашите напори за изградба на демократска, стабилна и просперитетна држава. Тие се тука да го поддржат нашето членство во ЕУ и НАТО“ - рече Заев.

Во групата, освен Џорџ Робертсон се вклучени и поранешниот висок претставник на ЕУ за надворешна политика и безбедност Хавиер Солана, поранешниот шведски премиер и министер за надворешни работи Карл Билд и истакнатите дипломати Кристофер Гајд, Роберт Гелбард, Ален Ле Роа, Волфганг Ишингер, Дајмонд Вилсон и Зоран Чичак.

ФОТО ФАКТОР