„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки
Објавено во: Македонија 29 Март, 2024
По бројните препукувања и обвинувања меѓу министерката за одбрана Славјанка Петровска и пратеникот Драган Ковачки, кој и самиот има работено во Министерствоот за одбрана, денеска министерката ја објави одлуката на судот по тужбата за клевета која ја поднесе против Ковачки.
- Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста - објави министерката за одбрана, Петровска на нејзиниот фејбук профил.
- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест - напиша Петровска.
Воедно министерката дополни дека „Секој го прави тоа што најдобро го знае, тие со лагите, јас со труд и одговорна и чесна работа“.
Фото: Принтскрин/Фејсбук