Новиот градоначалник демантира: Немаше бугарски јазик во Пустец
Објавено во: Балкан 03 Јули, 2019
Пали Колефски, новиот градоначалник на Пустец, општина со доминантно македонско насеение во Албанија, демантира дека упатствата за гласање за време на локалните избори изминатиот викенд биле испишани на бугарски, наместо на македонски јазик.
– Во врска со веста дека во Мала Преспа е споделено упатство за гласање за локалните избори на бугарски и на албански јазик, наместо на македонски и на албански јазик, одговорно тврдам дека такво упатство за време на целата кампања на локалните избори што се одржаа на 30 јуни во Мала Преспа не забележавме. Вистината е дека во Мала Преспа живеат Македонци! Јас сум Македонец – изјави Колефски.
Тој доаѓа од редовите на Социјалистичката партија на премиерот Еди Рама, а на 30 јуни го победи противкандидатот Едмонд Темелко, кој претходно беше избиран со три мандати по ред.