На изборите во Албанија само 21,6 отсто излезност
Објавено во: Балкан 01 Јули, 2019
Локалните избори во Албанија вчера завршија со само 21,6 отсто излезност во напната политичка атмосфера. Првите прелиминарни резултати се очекуваат денеска.
Опозицијата ги бојкотираше затоа што тврдат дека се нелегитимни. Конфликтите што се очекуваа на денот на изборите не се случија, а поддржувачите на опозицијата одржаа само мали, кратки собири.
Право на глас имаа 3,5 милиони жители, а гласаа во 61-ти општини од кои само во 31 од нив имаше само листи на кандидати за градоначалници од претставниците на владејачката коалиција.
И претседателот на Албанија, Илир Мета, рече дека изборите биле нелегитимни, додека премиерот Еди Рама, тврди дека тие се во согласност со Уставот и поддржани од Европската унија и од САД.
На изборите им претходеа политички конфликти и насилни протести.
Претседателот Илир Мета ги одложи пред неколку недели за 13-ти октомври, но премиерот Еди Рама, тоа го одби, повикувајќи се на парламентарни правила.
Во останатите 26 општини, во кои кандидати од владеачката коалиција не учествуваат, има повеќе кандидати на гласачкото ливче, особено претставниците на малите и малцинските партии.