ЛОКАЛНИ ИЗБОРИ ВО АЛБАНИЈА: Во половина општини кандидатите немаат противници
Објавено во: Балкан 30 Јуни, 2019
Утрово во 07:00 часот започнаа локалните избори во соседна Албанија. Ќе се избираат нови градоначалници во 61 општина. Според ОБСЕ/ОДИХР во дури 31 општини кандидатите на владеачката Социјалистичка партија немаат противници.
Опозицијата, предводена од Демократската партија ги бојкотира изборите.
Претседателот на Албанија, Илир Мета вчера ги повика граѓаните утре на граѓански и демократски начин да ги донесат одлуките сами, албанските граѓани да се однесуваат мирно и мудро, како и да се самовоздржуваат.
Мета, смета дека од суштинско значење за земјата е денес да се сочува социјалниот мир и да се избегнуваат провоклации и насилство.
Пратениците од опозицијата во февруари поднесоа оставки во Законодавниот дом и излегоа на потеси на улица. Тие ја обвинуваат владата за корупција и изборна измама на парламентарните избори во 2017 година преку купување на гласови. Бараат оставка од премиерот Еди Рама и предвремени избори. Албанскиот премиер не прифаќа и ги отфрла обвиненијата.