Колку народ ќе имаат балканските земји по три децении?
Објавено во: Балкан 02 Јули, 2019
Балканот старее и по три децении земјите ќе имаат значително помалку население.
Државите од Западен Балкан имаат демографски пад каков што не е забележан досега, а предвидувањата се дека овој тренд ќе продолжи доколку властите во овие држави не преземат долгорочни мерки.
Три земји имаат сериозен проблем со намалување на населението.
Проекциите на Обединетите нации покажуваат дека до 2050 година во сите држави од Западен Балкан ќе се намали бројот на населението. Прва на удар е Бугарија, а по неа следуваат Хрватска и Босна и Херцеговина.
Податоците на бугарскиот Завод за статистика, покажуваат дека државата во периодот од 1989 до 2017 година изгубила два милиони жители, а како главни причини за тоа се наведуваат падот на наталитетот и економската миграција. Доколку овој тренд продолжи, предвидувањата се дека до 2050 година бројот на жители во оваа земја ќе падне на 5,2 милиони жители за разлика од 2017 година, кога имало седум милиони жители. Ситуацијата е слична во Хрватска и во Босна и Херцеговина.
Во првата деценија на овој век, од Србија според пописот од 2011 година, заминале 150 илјади луѓе или просечно 16.000 годишно.
Очекувањата за Македонија се слични како оние за останатите земји од регионот. Така, прогнозите на Обединетите нации се дека до 2050 година ќе има еден милион 931 илјада жители и земјата ќе има негативен природен прираст од -7,3.