Кој го изврши нападот во училиште во Тексас?
Објавено во: Свет 19 Мај, 2018
Вооружен напад имаше вчера во средното училиште Санта Фе, во сојузната американска држава Тексас, при што се убиени најмалку деветмина средношколци и еден наставник, а има и повредени. Напаѓачот е ученик во училиштето во Санта Фе, лоцирано 48 километри југоисточно од Хјустон. По нападот, тој е уапсен.
Според локалната полиција, осомничен за нападот е 17-годишниот Димитриос Пагурцис од Санта Фе, пренесува „Си-би-ес њуз“.
Полицијата сé уште трага по евентуално поставени експлозивни направи околу училиштето, а властите ги повикаа граѓаните на Санта Фе да пријават доколку наидат на сомнителен предмет.
Осомничениот Пагурцис во моментов е во притвор, а покрај него за денешното пукање се испрашува уште едно лице. Полицијата објави само дека станува збор за уште еден средношколец од училиштето во Санта Фе.
„Се надеваме дека најлошото помина и дека ни претстои мирна вечер“- рече Крис Ричардсон, заменик-директор во училиштето.
Еден од очевидците на пукањето, ученикот Дејмон Рабон, рече дека Пагурцис бил чудно облечен. „На себе имаше црн трослоен капут во кој ја криеше пушката“, изјавил Рабон.
Најмалку девет лица се хоспитализирани, соопштија болнички претставници, а состојбата на повредите сè уште не е објавена. Меѓу повредените е и еден полицаец.
Ова е веќе 22. вооружен напад во САД годинава.
Можеби ќе ве интересира
ПОЕТ И ОСНОВАЧ НА ЛИТЕРАТУРЕН КЛУБ ПУКАШЕ ВО ФИЦ: Легално го поседувал пиштолот
ФИЦО СЕ БОРИ ЗА ЖИВОТ: Човекот кој пукаше во него е писател
ГЕРМАНЦИТЕ ВО ШОК И КАУФЛАНД ЗАТВОРА: Дел од неговите филијали во Германија заминуваат во историјата
Зеленски ја откажа посетата на Шпанија и Португалија
МНОГУ СЕ ОБИДУВАА ДА МЕ УБИЈАТ, ГЛАВАТА МИ ВРЕДЕШЕ 4 МИЛИОНИ ДОЛАРИ Исповед на синот на Пабло Ескобар - ова беа последните зборови на неговиот татко
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
САКА ПОБЕДА ВО УКРАИНА СО МИНИМАЛНИ ЖРТВИ: Што друго планира новиот руски министер?
