ЌЕ ИМА ПАРИ СО РЕБАЛАНСОТ: За фирмите уште 200 милиони евра
Објавено во: Економија 13 Мај, 2020
Ребалансот на буџетот ќе биде готов во следните неколку денови, а Владата планира за помош на стопанството да издвои уште 200 милиони евра во Третиот пакет економски мерки.
Ова го потврди и Крешник Бектеши, министерот за економија во синоќа во „10МИНУТИ“ на ТВ21.
Бектеши истакна дека овој пакет би требало да биде презентиран на почетокот на идната недела, а претходно се консултираат и со Стопанските комори, синдикатите и Економскиот совет кој е формиран токму за справување со можните ризици во економијата како последица од коронакризата.
Фактор веќе објави дека ребалансот се подготвува а клучната дебата е околу платите за јавниот сектор.