Какви договори ќе потпишат Макрон и Вучиќ?
Објавено во: Балкан 15 Јули, 2019
Францускиот претседател, Емануел Макрон денеска допатува во Белград во дводневна посета, а домаќин ќе му биде српскиот колега Александар Вучиќ.
Во текот на посетата ќе бидат потпишани 20 договори, од кои пет за наоружување и воена опрема.
Во палатата Србија се министрите на владата на Србија кои очекуваат да биде завршен разговорот во четири очи на Вучиќ и Макрон.
Вучиќ му го покажа на Макрон глобусот, подарок од поранешниот француски претседател Франсоа Митеран.
Моделот на глобус од 1985 година Митеран им го подарувал на шефовите на држави со кои Франција негувала добри дипломатски односи.
Глобусот кој се наоѓа во Палата Србија стигнал од Франција како дипломатски подарок кој Митеран му го врачил на тогашниот претседател на Претседателството на СФРЈ, Лазар Мојсов во 1987. година.