Јужна Кореја станува финансиски посилна од Јапонија?

Добивај вести на Viber

Јужна Кореја на крајот од септември забележа рекордни девизни резерви во вредност од 322,01 милјарди долари, што претставува зголемување од 51,3 милјарди во споредба со август. Централната банка на Јужна Кореја вчера оцени дека зголемувањето  за септември се должи на зајакнувањето на еврото и фунтата во однос на доларот. Јужна Кореја е седма во светот по големината на своите девизни резерви, објавуваат новинските агенции од Јужна Азија. Јужнокорејската централна банка инаку објави дека ќе управува со монетарната политика на начин со кој што ќе и помогне на локалната економија, ќе ја обнови стапката на раст и ќе ги стабилизира  потрошувачките цени. Агенцијата Ројтерс овој став на Централната банка кој беше доставен до парламентот во Сеул, го протолкува како пресврт и ставање акцент врз  поттикнување на растот, за разлика од минатиот месец, кога ценовната стабилност беше примарна цел. Според најновите прогнози на ММФ,  во следните пет години Јужна Кореја би можела ја помине Јапонија во однос на БДП-то по глава на жител, кое се мери според куповната моќ (ППП), прилагодена на разликите во трошоците за живот во секоја земја одделно. Според  лондонскиот "Економист" ова ќе биде огромен пресврт, бидејќи БДП-то по глава на жител во Јужна Кореја во 1980-та година беше едвај една четвртина од тоа во Јапонија.