ИЗРАЕЛ ИЗВРШИ ВОЕНА ОПЕРАЦИЈА ВО ИРАН: Дали Иран ќе му одговори на Израел? „Нашиот следен одговор ќе биде брз“

Добивај вести на Viber

Според пишувањата на американските медиуми, Израел извршил воена операција против Иран. Во Исфахан, според иранската влада, имало експлозии предизвикани од дронови кои биле пресретнати.

Израелски проектили погодија цел во Иран, јавува американската ТВ станица ABC News, повикувајќи се на изјава на висок американски функционер. Набргу потоа, и CNN и CBS News објавија за воениот напад. Според извори на CNN, целта не е „нуклеарна“. Американските медиуми јавуваат дека се работи за „ограничен напад“ и не ги прецизираат неговите точни параметри.

Официјална потврда за нападот се уште нема ниту од израелска ниту од американска страна. Сепак, иранската влада ги отфрла извештаите дека иранскиот штаб за безбедност одржал итен состанок. Иранските системи за противвоздушна одбрана се активирани во неколку региони, според извештајот на иранската државна новинска агенција Ирна. Според иранската новинска агенција Фарс, како и иранската државна телевизија, во близина на аеродромот во Исфахан се слушнале „експлозии“. Според информациите на Иранската вселенска агенција, неколку мали беспилотни летала биле „успешно соборени“. Иранската државна телевизија јави и дека над Исфахан биле откриени дронови и дека тие биле успешно неутрализирани, пишува DW.

Воздушниот простор очигледно е затворен

Агенцијата Мехр јавува дека летовите кон Техеран, Исфахан и Шираз, како и до аеродромите на запад, северозапад и југозапад од земјата, се привремено прекинати. Затворен е воздушниот простор над неколку градови, меѓу кои и Исфахан. Исфахан, на околу 350 километри јужно од Техеран, е дом на важна иранска воена база и објекти поврзани со иранската нуклеарна програма. Според Ројтерс, иранската државна телевизија јавува дека постројките за нуклеарно оружје се недопрени.

Минатиот викенд Иран го нападна Израел со стотици беспилотни летала, крстаречки ракети и ракети. Причината беше наводниот израелски напад врз иранската дипломатска мисија во сирискиот главен град Дамаск, во кој на почетокот на април беа убиени двајца генерали на Иранската револуционерна гарда.

Американските медиуми во четвртокот вечерта објавија дека Израел ја известил Белата куќа дека во следните два дена ќе биде извршен контранапад.

Предупредува иранскиот министер за надворешни работи

Иранскиот министер за надворешни работи Хусеин Амирабдолахиан само неколку часа претходно го предупреди Израел дека нема да толерира воена акција против неговата земја. „Во случај израелскиот режим повторно да започне со авантуризам и да дејствува против интересите на Иран, нашиот следен одговор ќе биде брз и на највисоко ниво“, рече тој во четвртокот во седиштето на Советот за безбедност на ОН во Њујорк во интервју за Американската телевизиска мрежа CNN, пишува DW.

Предупредува иранскиот министер за надворешни работи

Иранскиот министер за надворешни работи Хусеин Амирабдолахиан само неколку часа претходно го предупреди Израел дека нема да толерира воена акција против неговата земја. „Во случај израелскиот режим повторно да започне со авантуризам и да дејствува против интересите на Иран, нашиот следен одговор ќе биде брз и на највисоко ниво“, рече тој во четвртокот во седиштето на Советот за безбедност на ОН во Њујорк во интервју за Американската телевизиска мрежа CNN, пишува DW.