ИЗБОРИ ВО АЛБАНИЈА: Засилени мерки на безбедност во Тирана
Објавено во: Балкан 29 Јуни, 2019
Локалните избори во Албанија кои треба да се одржат утре, ќе бидат обезбедени од страна на воените командоси, припадниците на албанската воена единица.
Тие исто така ќе се грижат и за безбедноста
на странските амбасади во Тирана, пишуваат медиумите од регионот.
Тоа е зголемување на безбедносните мерки на
албанското Министерство за внатрешни работи во пресрет на локалните избори утре
во земјата, и во согласност со барањето
на Министерството за правда на Албанија.
Албански командоси се грижат за безбедноста на 84
важни објекти и тие ќе заменат околу 300 полицајци, кои вообичаено ги обезбедуваат
овие објекти.
Директорот на Албанското биро за јавна безбедност
изјави дека вкупно 7 779 полицајци ќе бидат распоредени на локалните избори во
Албанија. Тие ќе имаат во своите возила на располагање и соодветна опрема за
комуникација.