Добивај вести на Viber
Во 2013 година невработеноста во Грција ќе порасне над 26 проценти, а економијата ќе се намали за 4 до 4,5 проценти од бруто домашниот произод, се посочува во извештајот на централната банка за монетарната политика во 2012 година.
Како што јавуваат грчките медиуми, извештајот беше поднесен денеска од управителот на банката Јоргос Провопулос во Парламентот, а во него се посочува дека економијата иако се соочува со опасности, сепак бил постигнат напредок, како резултат на што има претпоставки за раст.
Структурните реформи сега треба да се приоритет, посочуваат од Банката и укажуваат на нивно успорување. Исто така во извештајот се посочува дека рекапитализацијата на банките, која ќе се финансира со парите од меѓународната помош, треба да заврши до април.