(ГАЛЕРИЈА) Заедничка работна средба на бизнис секторот со премиерот и претставници на економските ресори во Владата
Објавено во: Економија, Галерија 05 Јули, 2017
Заедничка работна средба на бизнис секторот со претседателот на Владата на Република Македонија Зоран Заев, и претставниците на економските ресори во Владата денеска се одржа во просториите на Стопанската комора на Македонија.
На работната средба учествуваа: проф. д-р Кочо Анѓушев, заменик на претседателот на Владата на Република Македонија задолжен за економски прашања и за координација со економските ресори; проф. д-р Драган Тевдовски, министер за финансии; м-р Крешник Бектеши, министер за економија; м-р Горан Сугарески, министер за транспорт и врски; Љупчо Николовски, министер за земјоделство, шумарство и водостопанство и Садула Дураки, министер за животна средина и просторно планирање.
Изготвување долгорочна стратегија за постигнување стапка на економски раст меѓу пет и седум отсто во наредните 10 години, воспоставување договор меѓу јавниот и приватниот сектор за регулирање на односите со Владата и другите државни органи, консултирање на бизнис заедницата при донесување именување на правната регулатива, владеење на правото, загарантирана приватна сопственост, поголем пристап до финансирање на компаниите и подобрување на ликвидноста, лојална конкуренција, унапредување на системот за образование и продуктивноста на работната сила, се само дел од предлозите што ги изнесе денеска Стопанската комора на Македонија пред Економскиот владин тим предводен од премиерот Зоран Заев.
Премиерот Заев, пак, побара силна поддршка и соработка од бизнис секторот за заедничко креирање на политиките.
– Имаме амбициозни и добро мотивирани министри, економските ресори во Владата функционираат беспрекорно, голема е желбата да бидеме сервис на бизнисот и на граѓаните, истакна Заев.
На работната средба во Комората, компаниите побараа што поскоро спроведување попис на населението, а со тоа, како што рекоа, и попис на сите економски релевантни показатели како единствена појдовна основа за планирање, проектирање и преземање конкретни реформски чекори во економијата.
Можеби ќе ве интересира
„Тиквеш“ ги претстави своите модерни практики пред учесниците на регионалната Винска летна школа
АКО ОДИТЕ ВО ГРЦИЈА, НЕ МОРА ДА ЗАПАЛИТЕ ЦИГАРА ВО АВТОМОБИЛОТ, ИМА ДРАКОНСКИ КАЗНИ - еве за што ќе мора да платите 1.500 евра
Давор Сакач, директор на Telekom Srbija Ventures Fond: Половината стартапи во кои инвестиравме се засновани на развојот и имплементацијата на ВИ
Бимилк организираше семинар со д-р Ранко Рајовиќ за негување на интелектуалните способности на децата
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
ЕДЕН ОД НАЈБОГАТИТЕ СРПСКИ БИЗНИСМЕНИ КУПИ ХОТЕЛ ВО СЛОВЕНИЈА - има фитнес, велнес и конференциски центар, ова се деталите
„Лидл“ за секој вработен во Македонија троши по 3.000 евра месечно
ФАКТОР АНАЛИЗА: Најуспешни компании во Градот на Гемиџиите - фамилијарен бизнис направи топ-добивка од „амбалажа“ за храна
Светски инвеститори со интерес за македонските стартапи
