Зошто Русија влегува во офанзива против Твитер и Фејсбук?
Објавено во: Свет 22 Јануари, 2019
Русија почнува постапки против Фејсбук и Твитер.
Руското тело за надзор на комуникациите Роскомнадзор соопшти дека ќе отвори постапки против Твитер и Фејсбук. Причината е затоа што не објасниле како планираат да се прилагодат на законите за податоци, јави новинската агенција Интерфакс.
Роскомнадзор тврди дека Твитер и Фејсбук не објасниле како и кога ќе се усогласат со законот кој бара сите сервери за собирање лични податоци на Русите да бидат лоцирани во Русија.
Шефот на Роскомнадзор Александер Жаров изјави дека компаниите имаат еден месец за доставување на информациите или во спротивно ќе се води постапка против нив.
Русија воведе поостри санкции за интернет во последните пет години и според нив пребарувачите мора да избришат дел од резултатите на пребарувањата, сервисот на пораки да им овозможи пристап на безбедносните служби до енкриптирани пораки, а социјалните мрежи да ги чуваат лични податоци на руските корисници на сервери во земјата.
Единствените средства кои засега Русија ги има за спроведување на своите прописи се казните кои изнесуваат до неколку илјади долари или блокирање на онлајн услугите на оние што ќе ги прекршат, што е опција оптоварена со технички тешкотии.