Зошто Французите не го сакаат „Црниот петок“?
Објавено во: Свет 29 Ноември, 2019
Активисти во Франција го блокираа складиштето на „Амазон” јужно од Париз и протестираа против „Црниот петок“.
Демонстрантите од климатската група „Пријатели на Земјата” вчера однесоа сено, стари фрижидери и микробранови на автопатот што води кон складиштето во Бретањ-сир-Орж. Тие држеа транспаренти на кои пишуваше „Амазон: За климата, за работни места, стопирајте го ширењето, стоп на хиперпродукцијата!”
Потоа полицијата ги растера активистите.
Дел француски законодавци сакаат да го забранат „Црниот петок“, кој прерасна во глобален феномен, иако произлегува од американскиот празник: Денот на благодарноста, што се слави во четвртиот четврток во ноември, а по што има големи попусти во петокот.
Законодавниот одбор во понеделникот усвои амандман со кој се предлага забрана за „Црниот петок“, затоа што предизвикува „губење ресурси” и „прекумерна потрошувачка”. За тој амандман ќе се расправа во декември.Во светот, купувачите често уште во текот на ноќта спроти „Црниот петок“ чекаат пред продавниците за да влезат први и да купат што повеќе производи пред залихите да се потрошат.