23 Февруари, 2020
0.0162

(ФОТО) ЗЕМЈОТРЕС ТУРЦИЈА: Жена спасена по 19 часа, Ердоган на погреб на жртвите

Објавено во: Свет 26 Јануари, 2020

Најмалку 29 луѓе загинаа, а повеќе од 1.400 се повредени, во моќниот земјотрес во источна Турција.

Земјотресот со јачина од 6,8 степени со центарот на градот Сивриџе во провинцијата Елазиг предизвика многу згради да пропаднат, а нивните жители да останат на улица.

Четириесет и три лица досега се спасени, но се стравува дека пвеќе од 20 може да останат заробени, велат официјалните лица.

Спасувачките екипи работеа преку ноќ, користејќи ги рацете и копачите за да се обидат да најдат луѓе во урнатините на паднатите згради. Тие, исто така, донесоа кревети и шатори за раселените лица и ги предупредија жителите да не се враќаат во оштетените згради заради опасност од нови земјотреси.

Според АФАД, 25 лица починале во провинцијата Елазиг, а четворица во соседната провинција Малатија.

Според најновиот број, во земјотресот се повредени околу 1.466 лица. Министерот за здравство Фахретин Коца изјави дека 34 од повредените биле на интензивна нега, но не и во критична состојба.

Според извештаите, една постара жена била извлечена жива од урнатините околу 19 часа по земјотресот.

Друга жена што била во урнатините е спасена откако ги повикала роднините од нејзиниот мобилен телефон и им кажала каде е заробена.

Но, 12-годишно момче кое било спасено од урнатините, подоцна починало во болница.

Од урнатините беше извлечен и помлад маж.

„Беше многу страшно - мебелот падна над нас. Ние брзавме надвор“, цитираше новинската агенција АФП 47-годишен маж. 

Турскиот претседател Реџеп Таип Ердоган ги откажа плановите во Истанбул во саботата, и наместо тоа, ја посети погодената област и присуствуваше на погребот на две од жртвите.

„Ние правиме сè што можеме како држава и нација и ќе продолжиме да го правиме тоа. Нашите напори на сите места за спасување ќе продолжат“, рече тој.

Сивриџе, град со околу 4.000 луѓе, е популарно туристичко место на брегот на езерото Хазар, изворот на реката Тигар.

Фото: светски и турски медиуми

Можеби ќе ве интересира

НИТУ ВЛЕГУВАЊЕ, НИТУ ИЗЛЕГУВАЊЕ - Италијанците изолираа 11 села поради коронавирусот

НИТУ ВЛЕГУВАЊЕ, НИТУ ИЗЛЕГУВАЊЕ - Италијанците изолираа 11 села поради коронавирусот

САНДЕРС СО ТРИ ОД ТРИ - ја доби и Невада

САНДЕРС СО ТРИ ОД ТРИ - ја доби и Невада

НАРГИЛЕ-БАР ПОВТОРНО МЕТА НА ПУКАЊЕ - напад во Штутгарт, нема повредени

НАРГИЛЕ-БАР ПОВТОРНО МЕТА НА ПУКАЊЕ - напад во Штутгарт, нема повредени

ЛЕКАРИ ОД ЦЕЛА КИНА ЌЕ СЕ СМЕСТАТ ВО НИВ - кинеските власти ќе донесат седум крузери

ЛЕКАРИ ОД ЦЕЛА КИНА ЌЕ СЕ СМЕСТАТ ВО НИВ - кинеските власти ќе донесат седум крузери

Втора жртва на коронавирусот во Италија

Втора жртва на коронавирусот во Италија

ПО НАПАДОТ ВО КОЈ ЗАГИНАА 9 ЛУЃЕ - Германија стравува од екстремната десница

ПО НАПАДОТ ВО КОЈ ЗАГИНАА 9 ЛУЃЕ - Германија стравува од екстремната десница

ЗАГУБИ ОД КОРОНАВИРУС: Авиокомпаниите најголеми губитници

ЗАГУБИ ОД КОРОНАВИРУС: Авиокомпаниите најголеми губитници

УШТЕ ЕДНА ЖРТВА: Млад лекар почина од коронавирус

УШТЕ ЕДНА ЖРТВА: Млад лекар почина од коронавирус

ИДЕНТИФИКУВАНО МОМЧЕ: Уште еден Балканец меѓу загинатите во Германија

ИДЕНТИФИКУВАНО МОМЧЕ: Уште еден Балканец меѓу загинатите во Германија