ЗЕЛ 4.000 ЕВРА НА ЗАЕМ - потоа го малтретирале за да му го земат станот што го заложил
Објавено во: Македонија 03 Јули, 2020
Секторот за внатрешни работи Скопје - Единицата за насилен криминал, до надлежното Основно јавно обвинителство- Скопје поднел кривична пријава против П.Р., 33 години од Охрид и М.А., 31 година од Скопје, поради постоење основи на сомнение дека на 29 јуни годинава, поради наводен долг од 4.000 евра, врз В.П., која има 65 години и е од Скопје, извршиле кривично дело „Самовластие“ казниво по член 392 од КЗ.
„На кривично правниот настан претходеле должничко доверителски проблеми, така што оштетениот од пријавените зел 4.000 евра, за што залог требало да биде неговиот стан. Бидејќи оштетениот не го ставил станот како залог, а и ги немал паричните средства кои ги должел, на 29.06.2020 околу 10.00 часот, во близина на зградата каде што живее во насеба Автокоманда, бил пресретнат од пријавените и со возило бил однесен во паркот Гази Баба, каде околу час и половина бил психичи и физички малтретиран, по што заминале во домот на оштетениот, каде пријавените продолжиле физички да го малтретираат и му се заканиле по неговиот и животите на членовите од негово семејство“, се вели во соопштениетпо од МВР.
По овој настан, на 65 годишниот оштетен во ГОБ „Св. Наум Охридски“, од доктор му биле констатирани повреди.
Од насилниците, едниот сам се пријавил во полчиција, а другиот избегал, и по него е распишана централна потерница.