Заврши протестот на родителите, сите петкаши ќе бидат запишани во гимназијата „Орце Николов“
Објавено во: Македонија 20 Јуни, 2019
Заврши протестот на родителите на полуматурантите кои со сите петки го завршиле основното образование а сепак било неизвесно дали ќе се запишат во јунскиот приемен рок во скопската гимназија „Орце Николов“, откако министерот за образование Арбер Адеми им даде ветување дека ќе се распределат во сите девет паралелки.
Тоа значи дека ниту ќе има отворање на дополнителна паралелка, ниту ќе има вонредни квалификациски тестирања, кои всушност беа основната причина поради која загрижените родители излегоа на протест пред Владата.
За упис во ова среднио училиште има убедливо најголем интерес кај новопечените средношколци во цела Македонија и за слободни 285 места се пријавиле дури 330 ученици со сите петки, односно со максимален успех во основните одделенија. Токму поради тоа Министерството за образование одлучи првично да воведе некаков критериум за нивна селекција и решението падна на квалификациско тестирање, што не им се допадна на родителите.
Токму поради тоа,се размислуваше ова средно училиште да биде единственото кое ќе воведе полагање на квалификационен тест за да се направи селекција. Ваквиот критериум во разгледуваше за прв пат после многу години.
Пред два дена беше донесена одлука тестирањето да се спроведе во петок, откако ќе се направи ранг листа, и на наставнички совет ќе се утврди фактичката состојба. Учениците со сите петки во петок требаше да полагаат македонски јазик и математика, а тестовите да ги прави Министерството за образование и наука заедно со Бирото за развој на образованието и резултатите да се објават истиот ден.
Родителите собраа потписи против полагањето тест, а петицијата ја доставија до Министерството.