ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО
Објавено во: Македонија 21 Јануари, 2020
Oд ВМРО- ДПМНЕ ќе излезат со нови предлози и забелешки кои ги изработуваат стручните тимови за Законот за ЈО.
Вака е договорено по денешната средба на претставниците на СДСМ и ВМРО - ДПМНЕ, Бојан Маричиќ и Тимко Муцунски.
„Камен на сопнување за ВМРО- ДПМНЕ, продолжува да биде неизбалансираното решение со кое засега не се гарантира независно јавно обвинителство кое е подложно на политички злоупотреби, но на средбата станало збор за можните решенија и одглавување на дијалогот. Најавени се предлози и забелешки од ВМРО ДПМНЕ кои ги изработуваат стручни тимови“, информираат по средбата.
Се очекува во наредните денови да се договори и средба на работните групи.
Еврокомесарот за соседска политика и проширување, Оливер Вархеји при посетата на Скопје, изјави дека треба да биде приоритет донесувањето на Законот за јавно обвинителство.
Претседателот на ВМРО-ДПМНЕ, Христијан Мицкоски денoвиве во Охрид, изјави дека нема намера да оди на паушални лидерски состаноци.
Тој вели дека СДСМ предлага закон кој што треба во иднина да ги штити криминалните структури.