Завршена реконструкцијата на улицата „Димче Мирчев“ кај МВР
Објавено во: Македонија 04 Декември, 2012
14,5 милиони денари беа потрошени за комплетната реконструкција на улицата „Димче Мирчев“, која се наоѓа во близина на Министерството за внатрешни работи, во должина од 450 метри, на потегот до улица „Железничка“, соопштуваат од општина Центар.
Со овие средства било извршено отстранување на дотраениот асфалтен слој и поставување нов асфалт на површина од 2.400 метри квадратни, додека на двете страни на тротоарите се поставени бекатон плочки на површина од 1.600 метри квадратни. Поставено е и ново улично осветлување и канделабри на должина од 350 метри, а набрзо ќе биде направена хоризонтална и вертикална сигнализација.
Како што стои во соопштението, станува збор за клучна улица која е доста фреквентна и која подолго време беше во лоша состојба.