Затворена чајџилница во Куманово, ќе биде поднесена кривична пријава
Објавено во: Македонија 07 Март, 2021
Полицијата упорно затвора објекти и изрекува казни поради непочитување на работното време, но такви прекршувања и натаму постојат.
Вчера била затворена чајџилница во Куманово.
„На 06.03.2021 во 22.30 часот од полициски службеници од СВР Куманово е извршена контрола во чајџилница на ул.Карл Маркс во Куманово, сопственост на Ф.Б.(29) од Куманово, при што било констатирано дека објектот работел, односно не се придржувал до пропишаното работно време и во него биле затекнати околу 20 лица. Објектот од страна на Државен пазарен инспекторат е затворен. По целосно документирање на случајот ќе биде поднесена пријава по член 206 од Кривичниот законик – „непостапување според здравствените прописи за време на епидемија“.“, се вели во соопштението од МВР.