Затоплувањето на Скопје со природен гас ќе чини до 21,6 милиони евра

Добивај вести на Viber

„Производство на топлина Балкан Енерџи“ во постапка со преговарање без објава на оглас од ТЕ-ТО ќе купи до 63 милиони нормални кубни метри природен гас за што ќе плати до 21,6 милиони евра. Овој ресурс е потребен да ги стопли скопјани кои се системот на парно греење претстојната сезона

Природниот гас со кој оваа грејната сезона ќе се топли Скопје ќе чини 21,6 милиони евра, а БЕГ ќе го набави од ТЕ-ТО, ова се деталите од новиот договор што е на сила од почеток на месецов и со кој „Производство на топлина Балкан Енерџи“ дел од групата на БЕГ ќе го затоплува Скопје.

Откако пропаднале најмалку две тендерски постапки затоа што не се јавил ниту еден понудувач, на последната постапка која согласно со Законот за јавни набавки е без објава на оглас со преговарање работата на добил ТЕ-ТО (когенеративна централа која произведува топлинска енергија и струја) кој се јавил како трговец со природен гас. Во овој договор е планирано БЕГ преку својата фирма за производство на топлина да набави до 63 милиони нормални кубни метри природен гас од почетокот на откомври годинава до крајот на април идната година. Цената за еден нормален метар кубен природен гас е 317,9 американски долари.

БЕГ природниот гас ќе го користи за производство на топлинска енергија во топланите „Исток“, „Запад“ и „11 Октомври“. Според договорот производителот т.е. купувачот ќе доставува месечни номинации за набавка на гас за период од еден месец и ќе има обврска да го транспортира гасот од главната мерна станица „Жидилово“ (во близина на македонско-бугарската граница кај Крива Паланка н.з.).

Договорот предвидува дека може да има корекции на цената на гасот и тие се можно заради промени на неговата пазарна цена, влезните трошоци на граница и законската регулатива во нашата земја. При тоа ТЕ-ТО треба да поднесе валидни докази за промените на цени кои не можеле да се земат во предвид при поднесување на понуда.

Р.Ф.