06 Јуни, 2020
0.0333

Започнаа новите поволности: Субвенциониран станбен кредит од државата по камата од 2,9%

Објавено во: Економија 27 Мај, 2019

Граѓаните отсега можат да аплицираат за новите и подобрени услови за субвенциониран станбен кредит. Со објава на законските измени во Службен весник стапуваат на сила пониските каматни стапки од 2,9%, но и други поволности како дополнителна едногодишна субвенција од 30% за родено или посвоено дете.

- Каматните стапки за првиот модел, во кој државата субвенционира дел од месечната рата, ги намалуваме од 3,95% на 2,9% за првите 3 години. За четвртата и петата година каматите ги намалуваме од 4,44% на 3,9%. Ова се во моментот меѓу најниските каматни стапки за станбен кредит на пазарот. Намалувањето на каматните стапки значи сериозна заштеда за граѓаните. На пример, за кредит од 50.000 евра, само по основ на камати граѓаните ќе заштедат 1.300 евра - рече Тевдовски, кога ги презентираше новите подобрени услови пред Македонската банкарска асоцијација.

Со измените се намалува и каматната стапка за моделот „Учество“. Имено наместо досегашната стапка од 4,5% + 6-месечен Еурибор, со измените каматата е 4% + 6-месечен Еурибор. Инаку оваа камата важи за цело времетраење на исплата на кредитот.

- Одиме и чекор понатаму за поддршка на граѓаните кои планираат да формираат или да го зголемат семејството. Едногодишна субвенција на месечната рата (главнина и камата) во висина од 30% за секое родено или посвоено дете за корисниците на кредитите кои ќе го зголемат семејството  во рок од 10 години од добивање на кредит преку проектот - рече министерот за финансии Тевдовски.

Се предлагаат и нови модели на субвенционирање кои ќе обезбедат подобри услови, особено за младите. Кај моделот за купување на стан за млади, наместо 50% субвенција, отсега државата ќе субвенционира 70% месечна рата (главнина и камата) во првите пет години или 70% од учеството. Со ова ќе се обезбедат повисоки субвенции за околу 2.500 евра во однос на порано.


Можеби ќе ве интересира

Загрозени 40.000 работни места во Македонија

Загрозени 40.000 работни места во Македонија

НАЈСЛАБ РАСТ ОД 2009: Aвстралија влезе во рецесија

НАЈСЛАБ РАСТ ОД 2009: Aвстралија влезе во рецесија

СТАТИСТИКА: Во Македонија невработеноста е 16.2 отсто

СТАТИСТИКА: Во Македонија невработеноста е 16.2 отсто

Kaко Меркел ќе ја спаси Германија од корона кризата?

Kaко Меркел ќе ја спаси Германија од корона кризата?

ПАНДЕМИЈАТА СИ ГО НАПРАВИ СВОЕТО: Затворени вратите за работа во Германија и Австрија

ПАНДЕМИЈАТА СИ ГО НАПРАВИ СВОЕТО: Затворени вратите за работа во Германија и Австрија

НИЗ СКОПСКИТЕ МАРКЕТИ СНЕМА ЛЕБ - сите пазарат за карантинскиот викенд

НИЗ СКОПСКИТЕ МАРКЕТИ СНЕМА ЛЕБ - сите пазарат за карантинскиот викенд

НАЈГОЛЕМ ПАД ПО 1999: Европјаните помалку трошеле во април

НАЈГОЛЕМ ПАД ПО 1999: Европјаните помалку трошеле во април

НИКОЈ НЕ Е ИМУН НА КРИЗАТА: 50.000 Хрвати останаа без работа

НИКОЈ НЕ Е ИМУН НА КРИЗАТА: 50.000 Хрвати останаа без работа

ЕВН: Порамнети и корегирани сметки добиват корисниците, од 15 април броилата се отчитуваат

ЕВН: Порамнети и корегирани сметки добиват корисниците, од 15 април броилата се отчитуваат