Законот со кој ќе се регулира продажбата на канабис на собраниска комисија
Објавено во: Економија 09 Јануари, 2020
Предлог-закон за контрола на опојни дроги и психотропни супстанции во прво читање се најде на дневен ред на собраниската Комисија за здравство со што ќе се регулира продажбата на цветот од канабис за медицински цели, што до сега беше спорно за производителите бидејќи не можеа да го остварат извозот и долго време се бараше да се донесе оваа регулатива од власта.
Предвидено е основање на Агенција за контрола на одгледувањето и производство на канабис и производи од канабис за медицински и научни цели, поради што е потребно за почеток да се обезбедат плати и надоместоци во почетокот за најмалку пет вработени и директор на Агенцијата (околу 3,2 милиони денари на годишно ниво), како и простор, опрема и тековни трошоци за работа.
Целта е со ова законско решение да се намали злоупотребата окрај така што ќе се изврши разграничување на термините: одгледување канабис за медицински цели и одгледување на коноп за индустриски цели, , ќе се регулира рекламирањето на растението канабис, производите, препаратите, екстрактите и тинктурите од растението канабис во конечен облик.
Ќе се допрецизираат надлежностите на органите одговорни за спроведување на законот и подзаконските акти донесени брз основа на овој законот, ќе се дадат овластувања на јавна здравствена установа што ќе ги врши работите на Центарот за третман и намалување на штети од злоупотреби на дроги од министерот за здравство и ќе се изврши усогласување на законот со европското право во оваа област.
Досега дозвола од Владата за одгледување на канабис за медицински цели имаат добиено 29 субјекти, а интересот на инвеститорите во Македонија постојано се зголемува поради рапидно зголемената цена на светската берза на маслото од канабис и сувиот цвет од растението канабис.