Захариева побара истрага за запаленото бугарско знаме од припадниците на македонската заедница во Мелбурн
Објавено во: Балкан 10 Септември, 2019
Екатерина Захариева, министерката за надворешни работи на Бугарија, побара од властите во Австралија да спроведат поинтензивна истрага за припадниците на македонската заедница во Мелбурн кои по повод националниот празник 8 Септември го запалија бугарското и грчкото знаме, како и макета од премиерот Зоран Заев и вицепремиерката Радмила Шекеринска.
Петар Николаев, в.д. бугарскиот амбасадор во Австралија,доби инструкции од Захариева да се состане со австралиските власти и да ги повика да бидат преземени мерки против сторителите на овој инцидент и да ги замоли во иднина органите на редот да се спротивстават на ваквите обиди на палење на државните симболи.
Инцидентот се случи за време на протестот на македонската дијаспора пред македонскиот конзулат во Мелбурн против Преспанскиот договор.