Заев смета дека Ахмети му прави притисок со поканата за средба на 13 август
Објавено во: Македонија 10 Август, 2020
Зоран Заев, претседателот на СДСМ, смета дека поканата на лидерот на ДУИ, Али Ахмети, до останатите водачи на албанските парламентарни партии за заедничка средба на 13 август е еден вид на притисок што се врши врз него.
„Да, го гледам ова како притисок врз мене, СДСМ и Коалицијата „Можеме“, за премиер по предлог на ДУИ“, возвратил Заев на прашањето на ТВ21, но и додал дека се уште е прерано да каже било каков одговор на тоа дали ќе се најде во безизлезна ситуација доколку сите албански парламентарни партии направат блок.
Во моментов лидерите на Алтернатива, БЕСА, Алијканса за Албанците и ДПА - Африм Гаши, Билал Касами, Зијадин Села и Мендух Тачи, размислуваат дали да ја прифатат упатената покана на Ахмети.
Засега, иако не се појавуваат пред медиумите, во своите соопштенија СДСМ и ДУИ велат дека двете страни целосно се согласуваат за мнозинството прашања околу новото владеење.