Заев се заблагодари на пријателска Србија за вакцините
Објавено во: Македонија 24 Февруари, 2021
Премиерот Зоран Заев се заблагодари за втората пратка вакцини од Србија.
Вели дека традиционално се одржуваат пријателски односи меѓу двете земји и народи.
„Денеска пристигна и вториот дел од пратката од Србија со уште 3.510 дози со што, заедно со претходните 4.680 дози имаме доволно количини за имунизација на здравствените работници, нашите херои на првата линија во борбата со КОВИД-19, согласно Националниот план за имунизација. Уште еднаш во мое име, во име на Владата на Република Северна Македонија и македонските граѓани, упатувам искрена благодарност до народот на пријателска Србија, до претседателот Александар Вучиќ и до премиерката Ана Брнабиќ за овој гест на разбирање, солидарност и поддршка во борбата со пандемијата“, пишува Заев.
На Табановце вакцините ги пречека министерот за здравство, Венко Филипче.
фото Фејсбук