Заев: Разочаран сум – груевизам доцна во ноќта
Објавено во: Македонија 11 Септември, 2019
Разочаран сум од лидерската средба и и од однесувањето на опонентите, од лидерот на ВМРО-ДПМНЕ Христијан Мицковски, рече денеска лидерот на СДСМ и премиер Зоран Заев. Сепак вели дека има надеж оти решение може да има, ако партијата од другата страна, како што рече, излезе од заробеништвото.
„Имав надеж дека ќе успеат да ја сменат матрицата и ќе излезат од заложништвото на нивните претходници. Не отстапуваат од матрицата – груевизам до доцна во ноќта. Колку и да сакаме да постигнем напредок колку и да бидеме попустливи, кај Мицкоски се се сведува на едно барање, запирање и крај на случаите од претходниот режим. Жал ми е што живеат заробени, не успеваат да видат дека сега е моментот да покажеме дека сме за правна држава, рече Заев.
Тој објасни дека ВМРО ДПМНЕ барало да се запрат сите предистраги и истраги на предметите по 30 јуни, но и ако се формира ново обвинителство кое че го води обвинител на предлог на опозицијата, сите предмети досегашни да се префрлат под ова обвинителство. Тоа вели Заев, е нивната црвена линија и тврди дека нема да прифати вакви барања.
„Ние во интерес на правдата и борба на корупција понудивме ново обвинителство кое ќе се бори со висока корупција, а да го води обвинител кој ќе се избере на предлог на опозиција. Предлогот ќе гобира Собранието а ќе гопотврдува Советот на обвинители. Ова бвинителство ќе биде финансиски независно и поддржано, вели Заев
Рече и дека МИцковски ќе биде виновен ако Макеоднија не добие датум за преговори.
„Мицковски е подготвен да го жртвува датумот ЕУ само да го амнестира криминалот на ДПМНЕ. Ќе се бориме против тоа. Во пресрет на одлуката за датум за преговори треба да увиде да ги ставиме државните над партиските. Предметите ќе продолжат да се процесуираат. Правда и правна држава мора да има, вели Заев.
Рече и дека има надеж дека ќе има решение.