01 Декември, 2020
0.0257

Заев препорача разрешување на Лидија Димова

Објавено во: Македонија 20 Октомври, 2020

Премиерот Зоран Заев го прифати барањето да препорача разрешување на Лидија Димова од директорската функција на Националната агенција за европски образовни програми. 

Заев на 13-та седница ја информираше Владата дека го прифатил барањето на заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, задолжен и за спроведување на Кодекс за етичко однесување за членовите на Владата и носителите на јавни функции именувани од страна на Владата и дека ќе му препорача на Управниот одбор на Националната агенција за европски образовни програми и мобилност да ја разреши директорката Лидија Димова заради неетично постапување во извршувањето на нејзината функција, поврзано со индиции за несоодветно финансиско работење и за негрижа за одржувањето на имиџот на институцијата во јавноста.

Оваа постапка ја овозможува членот 23 од Етичкиот кодекс, според кој претседателот на Владата може да побара политичка одговорност, односно барање за поднесување на оставка на носителот на извршна функција или предлог за негово разрешување, и да покрене иницијатива за информирање на надлежни институции, при што врз основа на сознанијата и одлуките на Управниот одбор, ќе се запазат сите постапки за гарантирање на принципот за презумпција на невиност.

Димова не сакаше да поднесе оставка. 

ВМРО-ДПМНЕ денеска излезе со ново обвинување. 

„Денеска сакаме да поставиме неколку прашања во врска со проект кој е доделен на средното општинско училиште ‘Коле Нехтенин’ од Штип, проект во вредност од над 54.000 евра, за едукација за туризам на Кипар. Прашањата коишто сакаме да бидат одговорени, коишто јавноста бара да бидат одговорени се следни: Дали за овој проект што го споменав претходно, во вредност од 54.000 евра, за ова училиште да го добие главен протеже во Националната агенција била претседателката на Управниот одбор во истата агенција, Маринела Тушева, инаку сопруга на министерот за правда Бојан Маричиќ? Бидејќи, прва братучедка на Маринела Тушева е Јулијана Саздова, наставник вработен во средното општинско училиште „Коле Нехтенин“, кое го добило проектот, додека, пак, нејзиниот татко, а вујко на Маринела Тушева е Нако Ташков, инаку член на училишниот одбор во училиштето. Дали Маринела Тушева помогнала проектот да го добие училиштето во кое работи нејзината прва братучетка, а нејзиниот вујко е член на училишниот одбор?“, праша портпаролот на ВМРО-ДПМНЕ, Димче Арсовски.

Претходно имаше неколку скандали поврзани со проектите финансирани со европски пари. 

Можеби ќе ве интересира

Со посебни протоколи ќе се отворат скијачките центри

Со посебни протоколи ќе се отворат скијачките центри

Украден е паричник од пациент кој починал во ковид-центарот на Клинички

Украден е паричник од пациент кој починал во ковид-центарот на Клинички

ЗА ЏАМБАСКИ ВЕЛЕС БИЛ БУГАРСКИ ГРАД: Кажа под кои услови би го признале македонското малцинство

ЗА ЏАМБАСКИ ВЕЛЕС БИЛ БУГАРСКИ ГРАД: Кажа под кои услови би го признале македонското малцинство

„Катимерини“ анализира дека релациите меѓу Скопје и Софија создаваат пукнатина во НАТО

„Катимерини“ анализира дека релациите меѓу Скопје и Софија создаваат пукнатина во НАТО

ДАНИЛОВСКИ ЗА СЛАВИТЕ: Апелирам тие чествувања да бидат со високо ниво на свест

ДАНИЛОВСКИ ЗА СЛАВИТЕ: Апелирам тие чествувања да бидат со високо ниво на свест

Бучковски ќе биде специјален претставник на македонската Влада за Бугарија

Бучковски ќе биде специјален претставник на македонската Влада за Бугарија

ЗНМ, ССНМ и СЕММ на средба со Филипче: Нема забрана за снимање, новинарите треба да продолжат непречено со својата работа

ЗНМ, ССНМ и СЕММ на средба со Филипче: Нема забрана за снимање, новинарите треба да продолжат непречено со својата работа

Вакцината на „Фајзер“ од денеска чека одобрување од Европската медицинска агенција: Ова е финален чекор

Вакцината на „Фајзер“ од денеска чека одобрување од Европската медицинска агенција: Ова е финален чекор

Реакција на Универзитетот „Св. Кирил и Методиј“: Македонската државност е заснована врз антифашистички начела

Реакција на Универзитетот „Св. Кирил и Методиј“: Македонската државност е заснована врз антифашистички начела