Заев потврди: Новите „бомби“ се дел од разговорите предадени на СЈО
Објавено во: Македонија 19 Април, 2019
Новите „бомби“ кои одекнаа вчера и денеска во јавноста се дел од прислушкуваните разговори кои СДСМ ги поседувал како извлечени од УБК и потоа биле предадени на Специјалното јавно обвинителство, потврди денеска премиерот Зоран Заев.
- За мене е значајно институциите да постапуваат. Дали се тоа дел од разговорите, тоа што го имав слушнато, а ги немам слушнато сите разговори, малку ми стана и мачно после долго време, е од делот на пакетот што го предадов во СЈО, што секако само потврдува дека ние сме добиле само дел од тоа што на времето се правело како неовластено прислушкување, и го имало на други страни, рече Заев.
Инаку разговорите кои потекнуваат од нелегалното прислушување во периодот од 2008 до 2015 година се забранети да бидат објавувани според Законот за заштита на приватноста донесен во 2015 година.