Заев објасни дали ќе имаме зголемена инфлација и енергетски ценовен шок
Објавено во: Економија 26 Октомври, 2021
Иако постои страв од енергетска криза, сепак премиерот Зоран Заев уверува дека државата е целосно подготвена за стабилизирање на цените од енергетскиот шок во Европа.
Заев не очекува инфлацијата да надмине три отсто до крајот на оваа година.„Курсот на денарот е стабилен има и стабилни цени. Меѓународниот пазар има влијание врз цените на некои од производите, како што беше со маслото за јадење чија цена се зголеми пред шест месеци насекаде, или цените на нафтените деривати и во моментов на природниот гас и на електричната енергија на берзите“, вели тој.
Но, според претседателот ВМРО-ДПМНЕ, Христијан Мицкоски од сега е јасно дека оваа зима ќе имаме рестрикции на струја.
Вели дека состојбата е алармантна и дека со почетокот на грејната сезона електро – енергетскиот систем ќе биде оптоварен поради потребите на граѓаните и стопанството, а ние нема да обезбедиме евтин ресурс.