Заев: Не размислувам за наследник, економски реформи до крајот на мандатот
Објавено во: Македонија 22 Октомври, 2019
Шефот на македонската Влада, Зоран Заев, пред Конференција на Светската царинска организација – ПИКАРД што се одржува денеска во Скопје рече дека е се уште рано да се размислува за неговиот наследник како технички премиер и дека фокусот во наредните месеци ќе бидат спроведувањето на економските реформи.
Ваквиот став на Заев следува откако изминатиот викенд на лидерската средба кај претседателот Стево Пендаровски во јануари беше договорено да се распишат избори со техничка влада, а истите да се одржат во април.
„Рано е уште. Владата е насочена и во овој период да го одржи темпото на економските реформи што се случуваат во државата. Знаете дека имаме таргет од четири отсто, иако е проектиран во Буџетот на 3,5 отсто. Имаме цел да ги оствариме ваквите таргети со остварување на 4,1 отсто раст, а тоа значи многу нови работни места, многу нови инвестиции во државата, зголемен извоз и зголемен економски стандард на граѓаните“, рече Заев.
На прашањето дали ако СДСМ и коалицијата победи на изборите тој повторно ќе биде премиер, Заев рече дека побарал нов чист мандат за да може да ги продолжат реформите.