Заев: Нашиот народ е желен за брза правда
Објавено во: Македонија 17 Февруари, 2020
Претседателот на СДСМ и екс премиер Зоран Заев од Маршот за правда порача дека сега правосудството е на потег, откако Собранието донесе лепеза на закони.
„Собранието вчера отвори ново поглавје во правосудството“, рече Заев.
Вели дека зад Законот за ЈО, застанала стручната јавност, но и нашите пријатели од странство.
Тврди дека сите предмети од СЈО ќе имаат правна разрешница.
„На обвинетите ќе им се суди врз база на докази. Нема скриена амнестија за никој, ниту за стари, ниту за нови случаи. Нашиот народ е желен за брза правда“, изјави Заев.
Соња Мираковска, која беше дел од Парламентот како пратеник изјави дека правдата не е завршена, но таа е систем.
Вели дека за ВМРО-ДПМНЕ било важно да се заштити криминалот и нивната врхушка.
Мираковска додава дека со новиот Закон за ЈО нема амнестија.