Заев: Јаглен се носи и од Косово, но ако сакаме зелена енергија ќе плаќаме поскапо
Објавено во: Економија 29 Мај, 2021
Премиерот Зоран Заев на денешната прес-конференција рече дека со јаглен од Косово може да се компензира намалувањето на резервите на фосилно гориво за произведување на електрична енергија, но дека поентата е да се инвестира во онбовливите извори.
- Со соодветни стратегии поставени од државата веруваме дека ќе развиеме одлична стратегија која ќе предизвика сериозни инвестиции во фотонапонски електрани, ветерници и гасни централи за да направиме транзиција на енергетскиот систем. Инвестициите во обновливи извори на енергија секако ќе ги чинат граѓаните зашто доколку сакаме здрава и зелена енергија таа се плаќа поскапо и затоа државата ќе развие планови за помагање на сиромашните граѓани преку посебни програми, рече Заев во своето обраќање при презентацијата на Интервентниот план за инвестиции ИПИ 2021-2027 во Владата.
Резерви ја јаглен, како што вели премиерот, во Македонија ќе има до 2035 или до 2040 во зависност од тоа дали ќе се влезе со ископи во нови јегленокопови или не.
- Во регионот веќе има и бесплатен јаглен и треба само да се плати транспортот за да се донесе. Грција ги затвора своите термоелектрани на јаглен, има јаглен од Косово кој во моментов се носи во Осломеј. Во вакви околности убеден сум дека јагленот не е причината за затворање на РЕК Битола и РЕК Осломеј, туку здравата животна средина, порача Заев.
Од она што беше одговорено на новинарско прашање, термоелектраните во Македонија треба да се затворат година или две пред 2030 година како што е предвидено.