Заев и Борисов и лично ќе разговараат за јазикот
Објавено во: Македонија 14 Декември, 2019
За прашањето за македонскиот јазик кој бугарската академија го оцени како бугарски дијалект, македонскиот премиер Зоран Заев и лично ќе се сретне и ќе разговара со бугарскиот колега, Бојко борисов.
„На крајот на декември или почетокот на идната година ќе се сретнеме и ќе разговараме. ние сме пријатели, имаме намера да бидеме европејци“, рече Заев.
Тој не откри како Македонија ќе реагира кон Бугарија по однос на ова прашање.
„Официјалниот став на Бугарија е декларацијата на Парламентот, поофицијален став нема од тоа“, изјави вчера бугарскиот амбасадор во земјава Ангел Ангелов.
БАН објави реакција на Повелбата за македонскиот јазик на МАНУ, во која вели дека македонскиот јазик е дијалект на бугарскиот јазик.
Македонскиот јазик е лингвистички факт децении наназад и тоа е утврдено и на меѓународно ниво, вели претседателот на државата, Стево Пендаровски.Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје реагираше на најновите ставови на Бугарската академија на науките во која посочија дека не постои македонски јазик.
Од Меѓународниот семинар за македонски јазик, литература и култура потенцираат дека е недолично да се негира нешто што е признато и познато, а тоа е МАКЕДОНИСТИКАТА на мапата на светската славистика, но и балканистика.