06 Април, 2020
0.0513

Заев ги следеше чешките пратеници како се расправаат: Не се способни политички и воено, ама не описменија

Објавено во: Македонија 12 Септември, 2019

Парламентот на Република Чешка денеска го ратификуваше Протоколот за членство на Република Северна Македонија во НАТО на седница на која присуствуваше и македонскиот премиер Зоран Заев, кој истовремено денеска е во Прага на Самитот на Вишеградската група и Западен Балкан.

Како што пренесува чешки „Иднес“, шефот на македонската влада имал што да слушне од чешките пратеници, односно од тоа дека Македонија не е способна политички и воено за прием во НАТО, до тоа дека Светите браќа Кирил и Методиј ги описмениле Чесите како словенски народ па затоа требало да ни возвратат со благодарност. На крајот, 124 од 148 присутни пратеници гласаа во прилог на Македонија и Заев можеше да се радува.

Премиерот на Северна Македонија, Зоран Заев, од галеријата за посетители, го набљудуваше гласањето и дебатата на чешките европратеници за приемот на Македонија во НАТО. Претходно Заев се сретна со чешкиот премиер Андреј Бабиш.

„Во овој момент, јас не сум за проширување на НАТО со кревки држави, за кои верувам дека немаат ниту политички ниту воен капацитет. Не можам да си дадам одговор на прашањето дали НАТО сè уште работи како што треба или само на хартија“,“, рече Радам Вич, член на евроскептичното Движење Окамура.

Осуммина комунисти гласаа против, пратениците на СПД се воздржаа, неколкумина членови на ЦССД и претставниците на Триколори не учествуваа на гласањето.

„Постои реална можност за понатамошни доста сериозни спорови меѓу земјите членки на НАТО, Грција и Албанија, од една страна и потенцијалната земја-членка Северна Македонија. Би било многу неодговорно да се согласиме Северна Македонија да се приклучи во НАТО“, рече Јиржи Кобза од анти-емигрантската СПД.

„Би сакал кратко да одговорам овде на она што се наметна од СПД. Ако сме загрижени за стабилноста на Северна Македонија, членството во институциите како што се НАТО и ЕУ ќе придонесе за зајакнување на нејзината стабилност и безбедност. Нашиот приоритет секогаш беше да работиме кон интеграција на земјите од Западен Балкан, како во Северноатлантскиот пакт, така и во Европската унија “, одговори министерот за надворешни работи Томаш Петричек.

„И Светите браќа Кирил и Методи, предци на денешните Македонци, го описменија овдешниот словенски народ. Никогаш не треба да го забораваме тоа. Тоа е исто така причина за нашето покрстување“, рече поранешниот шеф на чешкката дипломатија, Карел Шварцеберг, инаку член на ТОП 09.

Сенатот на Чешка се согласи да го ратификува протоколот за пристапување на Македонијаво НАТО уште кон средината на јуни. Северна Македонија треба да стане 30-та земја членка на Северноатлантската алијанса.


Можеби ќе ве интересира

Жерновски го пофали лидерот на грчката опозиција Ципрас

Жерновски го пофали лидерот на грчката опозиција Ципрас

Влада: Трошоците за СЈО подобро сега да се платат, отколку подоцна по судски пат и со камати

Влада: Трошоците за СЈО подобро сега да се платат, отколку подоцна по судски пат и со камати

Детектор анкета: Над 20% од вработените граѓани останале без своето работно место поради корона кризата

Детектор анкета: Над 20% од вработените граѓани останале без своето работно место поради корона кризата

ПЕТТА ПРИНОВА КАЈ ПРАТЕНИКОТ МИЛОШОСКИ - малиот Филип внесе радост во семејството

ПЕТТА ПРИНОВА КАЈ ПРАТЕНИКОТ МИЛОШОСКИ - малиот Филип внесе радост во семејството

Почина мајката на сопругата на претседателот Пендаровски, се чекаат резултати од тестот за коронавирусот

Почина мајката на сопругата на претседателот Пендаровски, се чекаат резултати од тестот за коронавирусот

Заразени лекари и медицински сестри вкупно 52, кажа Филипче

Заразени лекари и медицински сестри вкупно 52, кажа Филипче

Филипче: Двајца починати пациенти, почнува втората фаза на епидемијата

Филипче: Двајца починати пациенти, почнува втората фаза на епидемијата

СЛЕДЕТЕ ВО ЖИВО: Најнови податоци за коронавирусот

СЛЕДЕТЕ ВО ЖИВО: Најнови податоци за коронавирусот

10 македонски града без ниту еден заразен со Ковид-19

10 македонски града без ниту еден заразен со Ковид-19