29 Март, 2020
0.0291

Заев: Бомбата на Милошоски е неовластено сниман разговор, покажува колку е важен Законот за ЈО

Објавено во: Македонија 23 Февруари, 2020

Успеавме да донесеме уште една победа на големото мнозинство кое е на страната на правната држава над политичките структури кои, за жал, се уште го бранат криминалот. Успехот е во тоа што ставивме уште еден темел на реформите во правосудството, што повеќе нема политичари да бираат обвинители, што не дозволивме амнестии, што предметите отворени од СЈО и сите други ќе добијат правна разрешница, вели во интервју за Прес24 лидерот на СДСМ, Зоран Заев. 

„Политичка драма правеше раководството на ВМРО-ДПМНЕ под команда на шефот од Будимпешта. Тие се дрзнаа повторно да се закануваат врз народните претставници, да вршат невидени притисоци, бидејќи сфатија дека ќе има одговорност за криминалот во нивните редови. Кога некој толку многу се бори да одбрани криминал, а мнозинството од другата страна успева со 2/3 во Собранието да донесе европски Закон за јавно обвинителство, тоа значи “Успеавме”“, вели Заев.

Прашан зошто беше толку важно носењето на овој Закон, и дека опозицијата во него препознава обид за заштита на актуелните функционери на власта од евентуална кривична одговорност по смена на власта, Заев вели дека „токму денес имаме свеж пример, Антонио Милошоски пушта некои мои разговори со кои јасно се гледа зошто беше важен законот“.

„Јас во објавените тонски снимки ја коментирам одлуката на Врховен суд за непостапување за предметите од СЈО после јуни 2017 година, состојба со која предметите паѓаа доколку не се изгласаше Законот за јавно обвинителство. 

Разговорот некој од присутните неовластено го снимал додека се разговара за причините и потребата зошто треба да се донесе законот за Јавно обвинителство. Toa се веројатно разговори од состаноците кои се водеа со претставници на партиите од власта и опозицијата од албанскиот блок на партии, кога се убедувавме и објаснувавме со групата од осум пратеници од ВМРО-ДПМНЕ зошто е важно да се донесе Законот за јавно обвинителство.

Неовластено снимениот разговор покажува зошто мораше да се донесе Законот за јавно обвинителство - покажува како со него се надминува одлуката на Врховен суд. Со ЗЈО овозможивме сите предмети да добијат правна разрешница врз основа на обезбедените докази. Се зборува дека врховните судии јасно информирале дека ќе ја донесат одлуката што тогаш ја донесоа согласно законот за СЈО каде што е предвидено дека до 30.06.2017 неовластени разговори се докази, а после може да бидат само индиции. Се друго што се слуша во објавеното неовластеното снимање од Милошоски е само аргумент плус преку убедување на соговорниците и потврда, зошто треба да се донесе новиот закон за Јавното обвинителство“, вели Заев. 

Можеби ќе ве интересира

Запалени нови контејнери во центарот на Скопје додека траеше полицискиот час

Запалени нови контејнери во центарот на Скопје додека траеше полицискиот час

Обвинителството ќе ја истражува смртта на стружанката од корона

Обвинителството ќе ја истражува смртта на стружанката од корона

По 17 дена, Филипче реши да одмори

По 17 дена, Филипче реши да одмори

Зетот на стружанката: Ни кажаа дека е позитивна на тестот откако почина

Зетот на стружанката: Ни кажаа дека е позитивна на тестот откако почина

Првиот битолчанец заболен од корона вирусот порачува да не му се верува на првото тестирање

Првиот битолчанец заболен од корона вирусот порачува да не му се верува на првото тестирање

По два дена заврши сагата, 106 лица конечно го напуштија Дебар

По два дена заврши сагата, 106 лица конечно го напуштија Дебар

(ФОТОГАЛЕРИЈА) Најпрометните места во Скопје празни среде бел ден

(ФОТОГАЛЕРИЈА) Најпрометните места во Скопје празни среде бел ден

Од понеделник на заболекар само ако имате болка што не се трпи

Од понеделник на заболекар само ако имате болка што не се трпи

Камерманот на „Медена земја“ снима во Вухан

Камерманот на „Медена земја“ снима во Вухан